رازداری پالیسی

ہمارے بارے میں

رابطہ

  • عالمی نیوز
  • ہوم

    Hindi

    Epaper Urdu

    YouTube

    Facebook

    Twitter

    Mobile App

    یوکرینی طیارے کا بلیک باکس واپس کرنے کے لیے ایران پر دباؤ میں اضافہ

    تہران: بین الاقوامی برادری ایران پر زور دے رہی ہے کہ وہ گرائے جانے والے یوکرینی مسافر طیارے کا بلیک باکس تفتیش کے لیے مغربی ممالک کے حوالے کرے۔تاہم ایران کا موقف ہے کہ وہ خود اس بلیک باکس کا تجزیہ کرنے کی کوشش کر رہا ہے۔اس سے قبل آنے والی خبروں سے ایسے لگ رہا تھا کہ ایران بلیک باکس یوکرین کے حوالے کرنے کو تیار ہے تاہم تہران نے ایسی تمام خبروں کی تردید کی ہے۔عالمی برادری بالخصوص کینیڈا نے اس بات پر زور دے رہی ہے کہ فرانس اس طرح کا ڈیٹا ڈی کوڈ کرنے میں مہارت رکھتا ہے۔آٹھ جنوری کو مار گرائے جانے والے طیارے میں ہلاک ہونے والے 176 شہریوں میں سے 57 کا تعلق کینیڈا سے تھا۔طیارہ گرائے جانے کے بعد سے ایران پر اس واقعے کی آزادانہ تحقیقات کروانے کے لیے دنیا بھر سے دباؤ ڈالا جا رہا ہے۔تہران پہلے ہی اپنے جوہری پروگرام اور خطے پر اثر و رسوخ رکھنے کی کوششوں کی وجہ سے امریکہ کے ساتھ ایک طویل تنازعے کا شکار ہے۔ایران کی فوج کا موقف ہے کہ انھوں نے یوکرین کا طیارہ غلطی سے گرایا۔

    یاد رہے کہ امریکہ کی طرف سے ایران کی قدس فورس کے سربراہ جنرل قاسم سلیمانی کو ہلاک کیے جانے کے بعد ایران نے عراق میں امریکی فوجی اڈوں پر میزائل حملے کیے تھے۔ایرانی سول ایوی ایشن کے ایک اعلیٰ اہلکار حسن رضیفر نے ایران کی سرکاری خبر رساں ایجنسی ارنا کو بتایا کہ ’ہم ایران میں ہی بلیک باکس کے معائنے کی کوشش کر رہے ہیں۔ بصورت دیگر ہم اسے یوکرین اور فرانس بھیج سکتے ہیں تاہم اسے کسی اور ملک بھیجنے کا فیصلہ ابھی نہیں ہوا ہے۔‘اس سے قبل ہفتے کو سول ایوی ایشن کے اہلکار رضیفر کے حوالے سے ایران کی نیم سرکاری خبر رساں ایجنسی تسنیم نے ایک خبر شائع کی تھی جس میں انھوں نے کہا تھا کہ بلیک باکس ایران میں ڈی کوڈ نہیں ہو سکتا اور یہ یوکرین کو بھیجا جائے گا کیونکہ انھوں نے اس حوالے سے ایران سے متعدد بار درخواست بھی کر رکھی ہے۔تاہم ابھی تک یہ واضح نہیں ہے کہ رضیفر کس بنیاد پر اپنے بیان سے پیچھے ہٹ گئے ہیں۔یاد رہے کہ یوکرین کا طیارہ بوئنگ 737-800 تہران سے یوکرین کے دارالخلافہ کی طرف پرواز کر رہا تھا۔

    یہ بھی پڑھیں  سعودی عرب کے خلاف سازشوں میں ایک دوسرے کے ساتھ تعاون کی یقین دہانی
    یہ بھی پڑھیں  ترکی کی شمالی شام میں کردوں کو نکال باہرکرنے کی دھمکی

    اس طیارے کے زیادہ تر مسافر ایرانی تھے یا دہری شہریت کے حامل تھے۔کینیڈا کے وزیر خارجہ فرانسوا فلیپے شیمپین نے کہا ہے کہ انھوں نے اپنے ایرانی ہم منصب جواد ظریف کو اتوار کو بتایا ہے کہ یہ بلیک باکس جلد سے جلد فرانس یا یوکرین کو بھیج دیا جائے۔یوکرینی حکام کا کہنا ہے کہ وہ بلیک باکس کی حوالگی سے متعلق ایرانی حکام کے ساتھ مسلسل رابطے میں ہیں۔ اطلاعات کے مطابق یہ مذاکرات خاصے پیچیدہ اور تناؤ والے ہیں۔کینیڈا کے ٹرانسپورٹیشن سیفٹی بورڈ کے مطابق ان کے دو اہلکار چھ دن تہران میں گزار کر واپس آ گئے ہیں۔ تہران میں اپنے قیام کے دوران انھوں نے وہاں جہاز کے ملبے کا معائنہ کیا۔کینیڈا کے مطابق ایرانی حکام نے اس دوران بہت تعاون کیا لیکن یہ ابھی تک کوئی ایسا واضح پلان سامنے نہیں آیا ہے کہ بلیک باکس کو کب اور کیسے ڈاؤن لوڈ کیا جا سکے گا۔اس سے قبل یوکرین نے کہا تھا کہ اسے امید ہے کہ جہاز کا ریکارڈر ان کے حوالے کیا جائے گا جبکہ کینیڈا کے وزیر اعظم جسٹن ٹروڈو نے کہا تھا کہ فرانس ان چند ممالک میں شامل ہے جو ریکارڈر سے سب معلوم کر سکتا ہے۔

    یہ بھی پڑھیں  روس اور ہندوستان کا دفاعی صنعت میں تعاون پر کام کرنے کا فیصلہ

    فرانس کی فضائی حادثات سے متعلق کھوج لگانے والی کمپنی بی ای اے نے سنیچر کو کہا ہے کہ وہ اس متعلق کسی قسم کے تعاون کی درخواست کی منتظر ہے۔ گرائے جانے والے طیارے میں سوار 11 یوکرینی شہریوں کو اتوار کو کیو کے ایئرپورٹ پرلایا گیا جہاں اس حوالے سے ایک تقریب کا اہمتام کیا گیا تھا۔یوکرین کے وزیر خارجہ ویدم پریسٹا ئیکو نے کہا ہے کہ غمزدہ خاندان اور پوی قوم کے لیے یہ بچھڑ جانے والوں کو تکریم دینے کا موقع ہے۔یہ طیارہ ایک ایسے وقت میں مار گرایا گیا جب امریکہ اور ایران کے درمیان سخت تناؤ والی کیفیت پائی جاتی تھی۔ امریکہ کی طرف سے ایران کے جنرل قاسم سلیمانی کی ہلاکت کے بعد ایران نے عراق میں امریکی فوجی اڈوں پر تین جنوری کو میزائل سے حملے کیے۔ایران کے صدر حسن روحانی نے ایرانی فوج کی جانب سے طیارے کو مار گرانے کو ناقابل معافی غلطی قرار دیا اور یہ وعدہ کیا کہ زمہ داران کو انصاف کے کٹہرے میں لایا جائے گا۔مظاہروں کے بعد پاسداران انقلاب نے اس واقعے پر معافی بھی مانگی ہے۔ایران کے سپریم لیڈر آیت اللہ خامنہ ای نے جمعے کو کہا ہے کہ ’کچھ (عناصر) اس واقعے کو ہمارے عظیم جنرل (قاسم سلیمانی) کی شہادت کو پس منظر میں لے جانے کے لیے استعمال کر رہے ہیں۔

    یہ بھی پڑھیں  پاکستان: ٹرین میں دھماکہ، 65 افراد ہلاک ،30 زخمی

    LEAVE A REPLY

    Please enter your comment!
    Please enter your name here
    یہ بھی پڑھیں  ایران کے پڑوسیوں کی صحت کو بھی سنگین خطرہ لاحق ہے : امریکہ

    Latest news

    کسان تحریک کے دوران جان گنوانے والے کسانوں کی تعداد اور ان کے خلاف درج مقدمات کی کوئی معلومات نہیں ہے : مرکزی وزیر...

    نئی دہلی : مرکزی حکومت نے کہا ہے کہ اس کے پاس کسان تحریک کے دوران جان گنوانے والے...

    ایم سی ڈی تبدیلی مہم کی تیاری 27 نومبر سے شروع، معلومات اپ لوڈ کرنے کے لیے خصوصی ایپ استعمال کریں گے: گوپال رائے

    نئی دہلی : آپ کے سینئر لیڈر گوپال رائے نے کہا کہ ایم سی ڈی انتخابات کے پیش نظر،...

    بنگلورو پولیس نے منّور فاروقی کو متنازعہ شخص قرار دیا

    بنگلور: کرناٹک کے دارالحکومت بنگلورو کے ایک آڈیٹوریم میں اسٹینڈ اپ کامیڈین منور فاروقی کا ایک شو منعقد کیا...

    سید بلال نورانی حامیوں کے ساتھ ایس پی میں شامل، مل سکتی ہے بڑی ذمہ داری

    لکھنؤ: ریاست کے معروف سماجی کارکن اور رہنما سید بلال نورانی جمعہ کو اپنے حامیوں کے ساتھ سماج وادی...

    اسکول، اسپتال، بجلی، پانی، سڑک، ٹرانسپورٹ اور وائی فائی سمیت تمام شعبوں میں کجریوال حکومت کے تاریخی کاموں سے متاثر ہو کر لوگ آپ...

    نئی دہلی : دہلی میں 2022 میں ہونے والے بلدیاتی انتخابات سے پہلے کانگریس کو بڑا جھٹکا لگا ہے۔...

    اروند کیجریوال نئے ورینٹ سے متاثرہ ممالک سے آنے والی پروازوں کو روکنے کا کیا مطالبہ

    نئی دہلی: دہلی کے وزیر اعلی اروند کجریوال نے ہفتہ کو وزیر اعظم نریندر مودی پر زور دیا کہ...

    Must read

    You might also likeRELATED
    Recommended to you