رازداری پالیسی

ہمارے بارے میں

رابطہ

  • قومی نیوز
  • ہوم

    Hindi

    Epaper Urdu

    YouTube

    Facebook

    Twitter

    Mobile App

    کانگریس کی ‘خاموشی’ اور ‘گپکاراعلامیہ’ خاندانی اور تباہ کن سیاست کے لئے ‘اعلان مرگ’ ثابت ہوگا : مختار عباس نقوی

    کپوارہ: بی جے پی کے سینئر رہنما اور مرکزی وزیر مختار عباس نقوی نے کہا کہ کانگریس کی ‘خاموشی’ اور ‘گپکاراعلامیہ’ خاندانی اور تباہ کن سیاست کے لئے ‘اعلان مرگ’ ثابت ہوگا۔

    انہوں نے جمعرات کو یہاں انتخابی جلسوں سے خطاب کرتے ہوئے کہا کہ ‘گپکار گینگ’ ایک ‘گمراہی گینگ’ بن گیا ہے جو جموں و کشمیر کے عوام میں اپنے تنگ نظر سیاسی مفادات کے لئے خوف اور شکوک وشبہات کے بھوت کو کھڑا کر رہا ہے۔

    مسٹر نقوی نے کہا کہ ملک کی گرینڈ اولڈ پارٹی کانگریس اور ‘خاندان’ ایسے لوگوں کے ساتھ ہاتھ ملا رہی ہے جو ‘علیحدگی پسندی اور دہشت گردی’ کو کشمیر کی تقدیر اور تصویر بنانا چاہتے ہیں۔

    انہوں نے کہا کہ 370 کی آڑ میں، جموں و کشمیر اور لداخ میں عوام کی ترقی کے لئے دیئے گئے سرکاری خزانے کی لوٹ مچانے والوں کی ‘خاندانی سیاست کا پاندانی سرور چکنا چور ہو چکا ہے’ کئی دہائیوں کے بعد، بی جے پی جموں وکشمیر کے عوام کو جمہوری عمل اور جامع ترقی کا حصہ دار بنا رہی ہے۔

    یہ بھی پڑھیں  بارہ سال بعد تین مسلم بے گناہ دہشت گردی کے الزامات سے باعزت بری

    مسٹر نقوی نے کہا کہ 370 کے ہٹائے جانے کے بعد جموں و کشمیر اور لداخ کے ‘زر، جنگل، زمین’ کے حقوق مکمل طور پر محفوظ اور مضبوط ہیں۔ دفعہ 370 کے ہٹائے جانے کے بعد جموں و کشمیر، لیہہ اور کرگل کے عوام کے تجارت، زراعت، روزگار، ثقافت، زمین اور جائیداد وغیرہ حقوق کو مکمل آئینی تحفظ دیا گیا ہے۔

    انہوں نے کہا کہ جموں و کشمیر میں منعقد ہونے والے مقامی بلدیاتی انتخابات میں ‘گپکار الائنس’ میں شامل ہونے والی کانگریس کی قیادت کو ملک کے سامنے 370 پر اپنے موقف کو واضح کرنا چاہئے، انہیں بتانا چاہئے کہ 370 نے سات دہائیوں میں، جموں و کشمیر کو ‘علیحدگی پسندی اور دہشت گردی’ کے سوا کیا دیا ہے؟

    یہ بھی پڑھیں  لاک ڈاؤن سے گھبرا نے کی ضـرورت نہیں : اروند کیجریوال

    نقوی نے کہا کہ دفعہ 370 ہٹنے سے پہلے جموں و کشمیر کے رہنے والے پہاڑی گجر بکر والوں، پسماندہ و کمزور طبقات کو ریزرویشن کا فائدہ نہیں ملا تھا، تقسیم ہند کے بعد پاکستان سے جموں و کشمیر آنے والے بے گھر افراد کو 70 برسوں بعد بھی شہریت اور ووٹ دینے کا حق نہیں ملا تھا۔ 2019 میں 370 کو ختم کر کے مرکز کی بی جے پی حکومت نے یہ حقوق دلائے۔ اب کسی بھی اتحاد کو عوام سے ان حقوق کو چھیننے نہیں دیا جائے گا۔

    یہ بھی پڑھیں  خیال رہے کہ آپ کے پڑوس اور محلہ میں کوئی غریب بھوکا نہ سوئے: مولانا ارشد مدنی

    نقوی نے کہا کہ 370 کے خاتمے کے ساتھ جموں و کشمیر، لیہہ و کررگل کے علاقوں کی ترقی میں رکاوٹ بنے تمام قوانین کو ختم کر کے ان علاقوں کی ترقی کی رفتار پر لگے ‘اسپیڈ بریکر’ کو زمین بوس کردیا گیا ہے۔ مرکزی حکومت کی مختلف معاشی، تعلیمی ترقیاتی اسکیموں اور پروگراموں کا فائدہ جموں وکشمیر، لیہہ کررگل کے عوام کو بھی مل رہا ہے۔

    انہوں نے کہا کہ جموں و کشمیر، لیہہ کرگل میں انتظامی، زمینی، ریزرویشن وغیرہ امور میں بہتری لائی گئی ہے۔ مرکزی حکومت کے 890 قوانین نافذ ہو گئے ہیں، ریاست کے 164 قوانین ختم کئے گئے ہیں، 138 قوانین میں اصلاح کی گئی ہے۔ سرکاری ملازمتوں میں ریزرویشن سسٹم کو بہتر بناکر زیادہ سے زیادہ ضرورتمند اور محتاج افراد کو فائدہ پہنچایا گیا ہے۔

    یہ بھی پڑھیں  راجیندر نگر کے ایم ایل اے راگھو چڈھا نے سوامی دیانند سروودیا کنیا اسکول کا دورہ کیا

    نقوی نے کہا کہ ملک کے مختلف حصوں کی طرح، جموں و کشمیر، لیہہ اور کرگل کے عوام کو ‘مدرا یوجنا’، ‘اُجّولا یوجنا’، ‘اسکالرشپ اسکیمیں’، ‘جن دھن یوجنا’، ‘آیوشمان بھارت یوجنا’، ‘کوشل وکاس کاریہ کرم’، زراعت اور باغبانی کی مختلف مرکزی سرکاری اور دیگر روزگار پرک اسکیموں وغیرہ کا فائدہ بڑے پیمانے پر مل رہا ہے۔ جموں، کشمیر، لداخ کو ‘سرمایہ کاری کا مرکز’ بنانے کی سمت میں اقدامات کئے گئے ہیں۔ عالمی سرمایہ کاری کی کانفرنس سے تقریباً 14 ہزار کروڑ کی سرمایہ کاری آئی ہے۔

    یہ بھی پڑھیں  سپریم کورٹ سے ملی پی چدمبرم کو ضمانت لیکن نہیں ہو سکے گی رہائی

    LEAVE A REPLY

    Please enter your comment!
    Please enter your name here

    Latest news

    دس مہینے بعد تعلیمی سرگرمی شروع ہونے سے بچوں کے چہروں پر لوٹی مسکراہٹ

    نئی دہلی: دس مہینے بعد دہلی کے اسکولوں میں محدود ہی سہی لیکن رونقیں واپس لوٹ آئی ہیں۔ کل...

    دہلی فسادات معاملہ،متاثرین کی باز آبادکاری میں مصروف اقلیتی فلاحی کمیٹی

    میٹنگ میں جلد سے جلد زیر التوامعاملات کے نپٹارہ کی افسران کو ہدایت،کچھ معاملات میں دوبارہ سروے کرنے کی...

    بی جے پی کے زیر اقتدار ایم سی ڈی سے نہ صرف دہلی کے لوگ متاثر ہیں، بلکہ ملازمین بھی نالاں ہیں : سوربھ...

    نئی دہلی : عام آدمی پارٹی کے چیف ترجمان سوربھ بھاردواج نے کہا کہ بی جے پی کے زیر...

    راجیندر نگر کے ایم ایل اے راگھو چڈھا نے سوامی دیانند سروودیا کنیا اسکول کا دورہ کیا

    لاک ڈاؤن کے بعد اسکول کھلنے کے بعد سکیورٹی کے تمام انتظامات کردیئے گئے ہیں، طلباء اساتذہ کو N95...

    Must read

    You might also likeRELATED
    Recommended to you