نئی دہلی : دہلی کے وزیر اعلی اروند کیجریوال نے پرکاش پرو کے موقع پر اہل وطن کو مبارکباد پیش کی آج بہت خاص دن ہے گرو نانک دیو مہاراج جی کا 550 سالہ پرکاش پر منانے کے لئے ہم سبھی لوگ ساتھ اکٹھا ہوئے ہیں گرو نانک دیو جی مہاراج جی نے پوری انسانیت کو صحیح راستہ دکھایا ،ہندو مسلم کسی میں بھی بھید بھاؤ نہیں کیا کسی کی ذات کو لے کر کبھی بھید بھاؤ نہیں کیا۔ انہوں نے ہمیشہ سچ کے راستے پر چلنا سکھایا ہمیشہ غریبوں کی مدد کرنا سکھایا ، ان کے راستوں پر چلنے کی ضرورت ہے اور آپ لوگوں کے لئے خوشخبری یہ ہے کہ کرتار پور کاریڈور کھل گیا ہے اب ہم سب لوگ جلد ہی کرتارپور صاحب کے درشن کے لیے جاسکتے ہیں ۔دہلی حکومت نے بزرگوں کو آسانی فراہم کرنے کے لیے فری اسکیم چلائی ہے جو لوگ کرتارپور صاحب جانا چاہتے ہیں ان سب لوگوں کا انتظام دہلی حکومت کی طرف سے ہوگا اور ایک دم فری ہوگا جو لوگ وہاں درشن کرنے کے لیے جانا چاہتا ہے وہ جا سکتے ہیں ۔
واضح رہے کہ وزیر اعلی کی یاتری اسکیم کے تحت اب دہلی کے عمائدین کو بھی کرتار پور صاحب کے درشن کرائے جائیں گے۔ دہلی حکومت اس سفر کی تمام فیس ادا کرے گی۔ کیجریوال نے کہا ہے کہ ایک نوجوان بھی ہر یاتری کے ساتھ ایک خدمتگار کے طور پر کرتار پور جاسکے گا۔دہلی حکومت کی کابینہ نے دہلی امرتسر-واہگہ بارڈر-محترم آنند پور صاحب کو کرتار پور پاکستان تک بڑھا دیا ہے۔ اس اسکیم کے تحت ، جو بھی اس راستے پر جائے گا ، وہ اب کرتارپور صاحب بھی جائے گا ، اگر کوئی رقم ہند یا پاکستان کو دینی پڑے تو وہ دہلی حکومت دے گی۔ جہاں سے تمام چیزوں کو حتمی شکل دینے کے بعد اندراج کھول دیا جائے گا۔
اس اسکیم کے تحت زیارت کیلئے سہولیات : اسکیم کے تحت منتخب بزرگوں کو 3 دن 2 رات کا سفر مفت فراہم کیا جارہا ہے۔دہلی حکومت سفر کے لئے منتخب کردہ بزرگوں کے لئے رہائش اور کھانے کا انتظام کرتی ہے۔ بزرگ 18 سال سے زیادہ عمر کی کسی بھی عورت ؍ مرد کی دیکھ بھال کے لئے لے سکتے ہیں ، حکومت اس شخص کے سفر ؍ قیام اور کھانے پینے کے اخراجات برداشت کرے گی۔ ہر راستہ 3 دن اور 2 رات تک کا سفر ہوتا ہے۔سفر کے لئے آن لائن درخواست دینا ہوگی۔ اس کے بعد بزرگ درخواست دہندگان کا انتخاب لاٹری کی بنیاد پر کیا جاتا ہے۔ دہلی کے وزیر اعلی تیرتھ یاترا یوجنا کا فائدہ اٹھانے کے لئے ، آپ کو دہلی حکومت کے تیرتھ یاترا وکاس سمیتی ویب پورٹل پر کلک کرنا ہوگا۔ اس پورٹل کے ذریعہ آپ کو درخواست فارم پُر کرنا ہوگا۔آخر میں وزیر اعلی نے اس خاص موقع پر سبھی لوگوں کو مبارکباد پیش کی۔
