اسکول، اسپتال، بجلی، پانی، سڑک، ٹرانسپورٹ اور وائی فائی سمیت تمام شعبوں میں کجریوال حکومت کے تاریخی کاموں سے متاثر ہو کر لوگ آپ میں شامل ہو رہے ہیں: منیش سسودیا

نئی دہلی : دہلی میں 2022 میں ہونے والے بلدیاتی انتخابات سے پہلے کانگریس کو بڑا جھٹکا لگا ہے۔ کیجریوال حکومت کی طرف سے اسکولوں، اسپتالوں، بجلی، پانی، سڑکوں، ٹرانسپورٹ اور وائی فائی سمیت تمام شعبوں میں کئے جا رہے تاریخی کاموں سے متاثر ہو کر لوگ مسلسل AAP میں شامل ہو رہے ہیں۔ اسی سلسلے میں سنیچر کو کانگریس کے سینئر لیڈر اور 5 بار کے میونسپل کونسلر مکیش گوئل، 2 بار کونسلر پرما بھائی سولنکی، ایک درجن سے زیادہ کانگریس عہدیداروں اور ان کے سینکڑوں حامیوں کے ساتھ عام آدمی پارٹی میں شامل ہو گئے۔

اور ان کے ساتھ ہی دہلی میں کانگریس کا آخری ستون بھی گر گیا۔ دہلی کے نائب وزیر اعلیٰ اور عام آدمی پارٹی کے سینئر لیڈر منیش سسودیا نے ٹوپی اور پٹکا پہنا کر پارٹی میں ان کا استقبال کیا۔ انہوں نے کہا کہ ملک کی سیاست بدل رہی ہے۔ جو لوگ عوام اور ملک کے لیے کچھ کرنا چاہتے ہیں وہ عام آدمی پارٹی میں شامل ہو رہے ہیں۔ منیش سسودیا نے کہا کہ وزیر اعلی اروند کیجریوال کی قیادت میں عام آدمی پارٹی نے عوامی مفادات کے لیے ایسے کام کیے ہیں جو سیاست میں کبھی ممکن نہیں سمجھے جاتے تھے۔ انہوں نے کہا کہ عام آدمی پارٹی نے جس طرح سے دہلی میں تعلیم، صحت، پانی، بجلی اور عوامی مفاد کے دیگر کام کئے ہیں، اس سے متاثر ہو کر مکیش گوئل جی آج پارٹی میں شامل ہو رہے ہیں۔

آپ آدمی پارٹی عوام کو بہتر سہولیات فراہم کرنے کی تحریک ہے اور میں مکیش گوئل جی کا اس تحریک میں خیر مقدم کرتا ہوں اور امید کرتا ہوں کہ وہ عام آدمی پارٹی میں شامل ہوں گے اور زبردست طریقے سے سماج کی خدمت کریں گے۔ اس موقع پر مکیش گوئل نے کہا کہ دہلی میں وزیر اعلیٰ اروند کیجریوال کے تیار کردہ ترقی کے ماڈل کی آج نہ صرف دہلی بلکہ پورے ہندوستان میں چرچا ہو رہی ہے۔ انہوں نے کہا کہ عام آدمی پارٹی دہلی میں جو کچھ کر رہی ہے وہ قابل ستائش ہے اور عوام کو اس کا فائدہ مل رہا ہے، اسی لئے میں نے کانگریس چھوڑ کر عام آدمی پارٹی میں شمولیت اختیار کی کیونکہ میں عوام کے مفاد میں بہتر کام کر رہی ہے ۔

آدمی پارٹی کا کام کرنے کا طریقہ بہت اچھا ہے اسکے خلاف جاکر کام کرنا مجھے ٹھیک نہیں لگا اس لئے اسی کے ساتھ آگیا آنے والا وقت آپ کا ہوگا اور عوام بھی جانتی ہےاسکو اقتدار میں کس کو لانا ہے۔قابل ذکر ہے کہ مکیش گوئل کانگریس کے سینئر لیڈر ہیں۔ وہ 5 بار کانگریس سے میونسپل کونسلر اور 3 بار ایم سی ڈی کی اسٹینڈنگ کمیٹی کے چیئرمین رہ چکے ہیں۔ مکیش گوئل کے ساتھ، 2 بار کارپوریشن کونسلر پرما بھائی سولنکی سمیت ایک درجن سے زیادہ عہدیداروں نے عام آدمی پارٹی میں شمولیت اختیار کی ہے، جن میں سریندر گرگ، انشول ورون گپتا، انوراگ گرگ، وجے چوہان، ورون گپتا، لکشیا متل، کمل چودھری شامل ہیں۔ ، چندرپال شرما، رینا منہاس، روی بدھوا، وجے راٹھور، رادھیشیام کدیان، سنجے منہاس، جگموہن جگو، ماسٹر جئے کشن گوئل شامل رہے۔