قومی نیوز سونی پت: امام عرفان اور ان کی اہلیہ سپرد...

سونی پت: امام عرفان اور ان کی اہلیہ سپرد خاک ،قتل کے پیچھے ہو سکتی چونکانے والی وجہ

نئی دہلی: ہفتہ کی رات ، سونی پت کے تھانہ گنور پولیس اسٹیشن کے تحت واقع گاؤں مانک ماجرا میں ہفتہ کی رات مسجد کے امام اور انکی اہلیہ کو تیز دھار ہتھیاروں سے قتل کردیا گیا۔ اتوار کے روز پولیس نے دونوں لاشوں کو پوسٹ مارٹم کیلئے بھیجا اور اتوار کی شام دونوں لاشوں کو پوسٹ مارٹم کے بعد سپردخاک کردیا گیا ہے۔ پولیس کا ماننا ہے کہ اس افسوسناک ڈبل قتل سے حیران کن انکشافات ہوسکتے ہیں۔
یہ بات قابل ذکر ہے کہ 35 سالہ عرفان جو آنکھوں سے کمزور ہیں ،بیوی کے ساتھ مانک ماجرہ گاؤں میں رہ رہے تھے ۔ وہ موہالی گاؤں کے رہائشی تھے اور پچھلے چار سالوں سے مانک گاؤں کی ایک مسجد میں امامت کر رہے تھے۔ متوفی کی شادی ایک سال قبل دہلی کی رہائشی یاسمین سے ہوئی تھی۔ گذشتہ رات نامعلوم افراد نے اس جوڑے کو بے دردی سے قتل کردیا۔ جس کی اطلاع صبح فجر کی نماز پڑھنے آئے لوگوں کوہوئی تو اس دوہرے قتل کی سنسنی علاقہ میں پھیل گئی ۔ نماز ادا کرنے آئے لوگوں نے جوڑے کو مردہ حالت میں پایا اور پولیس کو بلایا اور پھر دونوں لاشوں کو پوسٹ مارٹم کیلئے بھیج دیا گیا۔

یہ بھی پڑھیں  دبئی میں سڑک حادثہ، 7 ہندوستانیوں کی موت

جمعیت علمائے ہند کے لوگ موقع پرپہنچ گئے۔
سونی پت کے گاؤں مانک ماجرہ میں مسجد کے امام اور اس کی اہلیہ کے قتل کی خبر سوشل میڈیا پر آگ کی طرح پھیل گئی۔ واقعے کی اطلاع ملنے پر جمعیت علما ہند (مولانا ارشاد مدنی دھڑے) کے لوگ بھی مانک ماجرہ گاؤں پہنچ گئے۔ جمعیت علمائے ہند کے لوگوں نے انتظامیہ سے مطالبہ کیا کہ جلد از جلد اس دوہرے قتل کے مجرموں کو گرفتار کیا جائے اور سخت سے سخت سزا دی جائے ، جبکہ حکومت سے معاوضے کا مطالبہ کرتے ہوئے کہا کہ متوفی جوڑے کے لواحقین کو دس دس لاکھ روپے دیئے جائیں۔ جمعیۃعلماء ہند نے کہا کہ وہ اس قتل عام کے حوالے سے ایک وفد کے ہمراہ ریاست کے وزیر اعلی کے ساتھ بھی ملاقات کریں گے۔
جمعیت علما ہریانہ اور پنجاب کے صدر مولانا ہارون ، مفتی شرافت ، مولانا ارشاد نے مشترکہ طور پر ہند نیوز کو بتایا کہ امام عرفان گذشتہ چار سالوں سے مانک ماجرہ گاؤں میں رہ رہے تھے ، ان کا کسی تنازعہ سے کوئی تعلق نہیں تھا۔ شکوک و شبہات کا اظہار کرتے ہوئے انہوں نے کہا کہ ایسا لگتا ہے کہ یہ قتل فرقہ وارانہ منافرت کا نتیجہ ہے۔

یہ بھی پڑھیں  ایودھیا تنازعہ میں ثالثی کیلئےایک اورکوشش شروع
یہ بھی پڑھیں  بابری مسجد مقدمہ کا فیصلہ16؍نومبر تک آجائے گا

پولیس کیا کہتی ہے؟
گنور پولیس اسٹیشن کے انسپکٹر دنیش کمار نے جمعیت علما ہند کے ذریعہ جتائی ’ منافرانہ جرم‘ کے امکان کو مسترد کرتے ہوئے کہا ہے کہ اس دوہرے قتل میں ’ہیٹ کرائم‘ جیسی کوئی چیز نہیں ہے۔ انسپکٹر دنیش کمار نے ہند نیوز سے گفتگو کرتے ہوئے کہا کہ وہ جلد ہی ان لوگوں کو تلاش کریں گے جنہوں نے یہ گھناؤنا جرم کیا ہے۔ انہوں نے کہا کہ ’ہم نے اس واقعے کی تحقیقات کیلئے پولیس کی 6؍ ٹیمیں قائم کررکھی ہیں ، اور بہت جلد اس قتل کیس کے ملزم کو پولیس پکڑ لے گی‘۔خدشے کا اظہار کرتے ہوئے انسپکٹر دنیش کمار نے کہا کہ جس شخص نے یہ واقعہ کیا وہ جوڑے کو اچھی طرح جانتا تھا۔ انہوں نے بتایا کہ ان کی شادی بھی اس جوڑے کو مارنے کی وجہ ہوسکتی ہے، کیونکہ متوفی جوڑے کی یہ دوسری شادی تھی۔ دونوں کی عمر میں بھی بڑا فرق تھا۔مرحوم عرفان کی عمر 35 سے 40 سال کے اندر تھی جبکہ اس کی اہلیہ یاسمین کی عمر صرف 22 سال تھی اور دونوں کی دوسری شادی بھی ہوئی تھی جو ایک سال قبل ہوئی تھی۔ انسپکٹر دنیش کمار نے بتایا کہ عرفان کی اہلیہ یاسمین دہلی کے بختیار پور کی رہائشی تھیں۔

یہ بھی پڑھیں  آرے جنگل میں درختوں کی کٹائی پر سپریم کورٹ نے لگائی روک

LEAVE A REPLY

Please enter your comment!
Please enter your name here
یہ بھی پڑھیں  گاندھی جی سے جڑی کسی ایک جگہ کا سفر ضرور کریں

Latest news

دہلی میں ہند و مسلم سیاست کرنے کی بی جے پی کی ہمت نہیں : اروند کجریوال

نئی دہلی: دہلی کے وزیر اعلیٰ اروند کجریوال نے کہا کہ بی جے پی کے پاس دہلی میں ہندو...

منی لانڈرنگ کیس: ڈی کے شیو کمار کو ذاتی مچلکے پر ملی ضمانت

نئی دہلی : منی لانڈرنگ کیس میں دہلی ہائی کورٹ نے کانگریس کے رہنما ڈی کے شیوکمار کو ضمانت...

محسنِ انسانیت سے عداوت: ذمہ دار کون؟

ڈاکٹر محمد ضیاءاللہ ندویکملیش تیواری کا قتل بعض شر پسند عناصر نے جب سے کیا ہے تب سے صرف ...

افغانستان میں تعینات امریکی فوجیوں کی تعداد میں کمی

اسلام آباد : امریکہ نے افغانستان میں تعینات اپنی فوجیوں کی تعداد کم کر دی ہے۔ فوجیوں کی تعداد...

یوروپ کی طرح ہوں گی دہلی کی سڑکیں

نئی دہلی:اگلے ایک سال میں دہلی کی 9 سڑکیں آپ کو یورپ کے بڑے شہروں کی طرح خوبصورت دکھیںگی۔...

سپریم کورٹ سے ملی پی چدمبرم کو ضمانت لیکن نہیں ہو سکے گی رہائی

نئی دہلی : سپریم کورٹ آئی این ایکس میڈیا ڈیل سے وابستہ سی بی آئی کے معاملے میں سابق...

Must read

- Advertisement -

You might also likeRELATED
Recommended to you