رازداری پالیسی

ہمارے بارے میں

رابطہ

  • قومی نیوز
  • ہوم

    Hindi

    Epaper Urdu

    YouTube

    Facebook

    Twitter

    Mobile App

    جنوبی کشمیر کے ضلع اننت ناگ میں تصادم، دو جنگجو ہلاک

    سری نگر : جنوبی کشمیر کے ضلع اننت ناگ کے واگہامہ بجبہاڑہ میں منگل کی علی الصبح ہونے والے ایک مسلح تصادم میں دو جنگجو مارے گئے ہیں۔ قبل ازیں اتوار اور پیر کی درمیانی شب کو اسی ضلع کے ژوہرو رانی پورہ میں سیکورٹی فورسز نے حزب المجاہدین کے ایک اعلیٰ کمانڈر مسعود احمد بٹ سمیت تین جنگجو کو ہلاک کیا تھا۔

    جموں وکشمیر پولیس کے ایک ترجمان نے بتایا کہ واگہامہ بجبہاڑہ میں منگل کی علی الصبح چھڑنے والے ایک تصادم میں دو عدم شناخت جنگجو مارے گئے ہیں۔ انہوں نے مزید کہا کہ علاقہ میں آپریشن جاری ہے ۔ ایک رپورٹ میں مہلوک جنگجوﺅں کی شناخت زاہد داس اور جبار ساکنان بجبہاڑہ کے طور پر کی گئی ہے ۔ پولیس کے مطابق اسلامک سٹیٹ جموں و کشمیر سے وابستہ زاہد داس بجبہاڑہ کے حالیہ حملے ، جس میں ایک سی آر پی ایف ہیڈ کانسٹیبل اور ایک چھ سالہ لڑکا جاں بحق ہوئے تھے ، میں ملوث تھا۔

    یہ بھی پڑھیں  اقلیتی تعلیمی اداروں سے متعلق قومی کمیشن میں صحیح نمائندگی کے لئے جمعیۃعلماء ہند کی پٹیشن داخل

    سرکاری ذرائع نے بتایا کہ ضلع اننت ناگ کے واگہامہ میں جنگجوﺅں کی موجودگی سے متعلق خفیہ اطلاع ملنے پر پولیس، فوج کی 3 آر آر اور سی آر پی ایف نے منگل کی علی الصبح کارڈن اینڈ سرچ آپریشن شروع کیا۔انہوں نے کہا کہ مشتبہ جگہ کو محاصرے میں لینے کے بعد طرفین کے درمیان تصادم چھڑ گیا جس میں دو جنگجو مارے گئے ۔

    یہ بھی پڑھیں  کانگریس کو لگا بڑا جھٹکا ، AAP میں شامل ہوئے شعیب اقبال

    انہوں نے مزید کہا کہ تصادم کے دوران سیکورٹی فورسز اور عام شہریوں کا کوئی جانی نقصان نہیں ہوا ہے ۔ سرکاری اعداد و شمار کے مطابق مزید دو جنگجوﺅں کی ہلاکت کے ساتھ وادی میں رواں برس اب تک مارے جانے والے جنگجوﺅں کی تعداد بڑھ کر 118 ہوگئی ہے ۔ ان میں مختلف جنگجو تنظیموں کے چھ آپریشنل کمانڈرس بھی شامل ہیں۔

    بتادیں کہ وادی کشمیر میں سیکورٹی اداروں نے رواں برس مارچ میں کورونا وائرس لاک ڈاﺅن شروع ہونے کے ساتھ ہی جنگجو مخالف آپریشنز میں تیزی لائی۔ سکیورٹی اداروں نے مارے جانے والے جنگجوﺅں کی شناخت ظاہر کرنا بھی بند کردیا ہے اور انہیں اب اپنے آبائی علاقوں سے دور نامعلوم اور غیر ملکی جنگجوﺅں کے لئے مخصوص قبرستانوں میں دفنانا جارہا ہے ۔

    یہ بھی پڑھیں  کامن ویلتھ گیمز ولیج میں بنایا گیا 500 بیڈز کا کوویڈ کیئر سینٹر

    کشمیر کے حالات پر گہری نظر رکھنے والے تجزیہ کاروں کے مطابق 1990 کی دہائی میں شروع ہوئی مسلح شورش میں پہلی بار ایسا ہوا ہے جب مقامی جنگجوﺅں کی لاشیں ان کے لواحقین کو سونپنے کی بجائے دوسرے اضلاع میں واقع مخصوص قبرستانوں میں دفنائی جارہی ہیں۔

    Latest news

    اردو اکادمی دہلی ، دہلی ای۔ لرننگ کورس جلد شروع کرے: منیش سسودیا

    اردو اکادمی، دہلی کی دہلی سیکریٹریٹ میں منعقدگورننگ کونسل کی میٹنگ میں کئی اہم تجاویز پیش نئی دہلی : اردو...

    عام آدمی پارٹی کے روہتاش نگر ودھان سبھا میں منعقدہ مظاہرے میں مقامی لوگوں کی ایک بڑی تعداد نے حصہ لیا

    نئی دہلی : بی جے پی کی زیر اقتدار ایم سی ڈی میں بدعنوانی اور مودی حکومت کی ناکام...

    ہر فرد میں ایک دلی جذبہ ہے ،یہاں لوگ ادب سے محبت کرتے ہیں : عامر اصغر قریشی

    شہر ناندورا میں سہ ماہی تکمیل کے مدیر عامر اصغر قریشی کے اعزاز میں ادبی نشست ناندورا : بتاریخ 23...

    ایم سی ڈی بلڈر مافیا کے تعاون سے لیز پر دی گئی دکانوں کا سروے کررہی ہے اور عمارت کو خطرناک دکھا کر خالی...

    نئی دہلی : عام آدمی پارٹی نے بی جے پی کے زیر اقتدار نارتھ ایم سی ڈی کی طرف...

    اگلے تین دن تک مسلسل بارش کے امکانات ، تمام افسران دن میں 24 گھنٹے دستیاب رہیں گے ، کسی بھی وقت ضرورت ہوسکتی...

    نئی دہلی : لیفٹیننٹ گورنر اور وزیر اعلی اروند کیجریوال نے آج ویڈیو کانفرنسنگ کے ذریعے دہلی کے نکاسی...

    Must read

    You might also likeRELATED
    Recommended to you