جرائم کے بڑھتے واقعات بھجن لال حکومت کی پول کھول رہے ہیں: اشوک گہلوت

راجستھان کے بھیواڑی علاقے میں گزشتہ شام جوئیلری شاپ میں ڈکیتوں کے نے لوٹ پاٹ کرنے کے بعد دکان مالک کا قتل کر دیا تھا۔ اس واقعہ پر سابق وزیر اعلیٰ اشوک گہلوت نے گہری تشویش کا اظہار کیا ہے۔ انہوں نے ریاست میں قانون کے نظام پر سوالیہ نشان کھڑا کرتے ہوئے بھجن لال حکومت کی سخت تنقید کی ہے۔

भिवाड़ी में हुई डकैती एवं हत्या की घटना बेहद गंभीर एवं राज्य सरकार के माथे पर कलंक के समान है। इस घटना को लेकर एडीजी क्राइम एवं आईजी रेंज से बात कर जानकारी ली। यहां डकैतों ने एक व्यापारी की गोली मारकर हत्या कर दी एवं दूसरे व्यापारी घायल हैं। यह घटना राज्य में लगातार बिगड़ती जा…

— Ashok Gehlot (@ashokgehlot51) August 23, 2024

اشوک گہلوت نے سوشل میڈیا سائٹ ‘ایکس’ پر اپنے پوسٹ میں لکھا ہے کہ “بھیواڑی میں ہوئی ڈکیتی اور قتل کا واقعہ بے حد سنگین اور ریاستی حکومت کے چہرے پر بدنما داغ کی طرح ہے۔ اس واقعہ کے سلسلے میں اے ڈی جی کرائم اور آئی جی رینج سے بات کرکے معلومات حاصل کی ہے۔ یہاں ڈکیتوں نے ایک کاروباری کو گولی مار کر قتل کردیا ہے اور دوسرے کاروباری زخمی ہیں۔ یہ واقعہ ریاست میں مسلسل خراب ہوتے جا رہے قانونی نظام کی پول کھول رہا ہے۔”

واضح ہو کہ جمعہ کی شام ریاست کے کھیرتھل- تجارا ضلع کے بھیواڑی سنٹرل مارکیٹ میں واقع کملیش جوئیلرس کی دکان میں جرائم پیشہ عناصر نے لوٹ پاٹ کا بڑا واقعہ انجام دیا تھا۔ ڈکیتوں نے اس دوران ایک کاروباری کا قتل کر دیا تھا جبکہ کچھ لوگ واقعہ میں زخمی بھی ہوئے تھے۔ ریاست میں لگاتار اس طرح کے جرائم ہو رہے ہیں۔ اشوک گہلوت پہلے بھی اس طرح کے جرائم کے واقعات پر سختی سے قابو پانے کا مطالبہ کرتے رہے ہیں۔